news-details

संविधान दिवस नेपाली जनताको साझा दिवस हाे: अध्यक्ष ओली

Total Share : 1.3 K Total Views : 9.4 K

काठमाडौँ, असोज ३ गते । संविधान दिवस नेपाली जनताको साझा दिवस भएको नेकपा (एमाले)का अध्यक्ष केपी शर्मा ओलीले बताउनुभयो । ‘यो एउटा जाति विशेषको दिवस होइन, यो एउटा भूगोल विशेषको दिवस नभएर आम नेपालीको साझा दिवस भएको बताउनुभयो । 

बुधवार काठमाडौँको नक्सालको नारायण चौरमा पार्टीले आयोजना गरेको राष्ट्रिय झन्डासँग सेल्फी कार्यक्रमलाई सम्बोधन गर्दै उहाँले यस्तो बताउनुभएको हो । एउटा पेसा, व्यवसाय विशेषको दिवस होइन । यो दिवस सम्पूर्ण नेपाली जनताहरूको मेची—महाकाली र प्रवास जहाँ भए पनि नेपाली जनताको मुलुकको साझा दिवस हो । सिङ्गो राष्ट्रको राष्ट्रिय दिवस हो । देशभित्र हाम्रो राष्ट्रिय भावना, हाम्रा राष्ट्रिय आकाक्षाहरु, समृद्ध नेपाल, सुखी नेपालीका राष्ट्रिय आकाक्षाहरु यस दिवसले समेटेको उहाँले बताउनुभयो । 

उहाँले जनताको एकता, उन्नतिका लागि विभाजनकारी प्रवृत्ति, जनतामा खटपट ल्याउने प्रवृत्ति, राष्ट्रिय एकतामा खलल पुर्याउने प्रवृत्ति, क्षेत्रीय, साम्प्रदायिक, जातीयतावादी अथवा विभिन्न आस्थाका नाममा गरिएका उश्रृंखल खालका क्रियाकलापहरू राष्ट्रिय एकताको पक्षमा नरहेको जिकिर गर्नुभयो ।

देश र जनताका लागि जनताले जारी गरेको संविधान बनेको छ । 

You can share this post!

Total Share : 1.3 K Total Views : 9.4 K

प्रतिक्रिया