news-details

अमेरिकी एयरफोर्सको जहाज काठमाडौंमा

Total Share : 817 Total Views : 5.8 K

४ चैत, काठमाडौं । अमेरिकी एयरफोर्सको जहाज पछिल्लो एक वर्षभित्रमा चौथोपटक काठमाडौंमा अवतरण गरेको छ ।

त्रिभुवन विमानस्थलका एक उच्च अधिकारीका अनुसार शुक्रबार बिहान ९ बजे अमेरिकी सेनाको कार्गो जहाज काठमाडौं अवतरण गरेको थियो । यो जहाज शुक्रबार नै फिर्ता भइसकेको छ । ती अधिकारीका अनुसार पछिल्लो एक वर्षको अवधिमा चौथो पटक अमेरिकी सेनाको जहाज काठमाडौं आएको हो ।

उनका अनुसार २०२१ को जनवरी, अप्रिल र अगस्ट महिनामा समेत सेनाको यस्तो जहाज आएको थियो । यो जहाजमा सेना भने नआउने उनले जानकारी दिए ।

काठमाडौंस्थित अमेरिकी दूतावासका लागि आवश्यक सामान र कागजात ल्याउन र फिर्ता लैजान यस्तो जहाजको उपयोग हुने गरेको उनले जानकारी दिए । यस्तो उडानका क्रममा नेपाल नागरिक उड्डयन प्राधिकरणको प्रक्रिया पूरा गरी उडान अनुमति लिइएको हुन्छ । 
 
 

You can share this post!

Total Share : 817 Total Views : 5.8 K

प्रतिक्रिया