news-details

व्यक्तिगत लाभ खोज्दै अदालत पुग्नेले सम्पदा पुनर्निर्माणमा अवरोध खडा गरे : मेयर शाक्य

Total Share : 129 Total Views : 909

काठमाडौँ- काठमाडौँ महानगरपालिकाका प्रमुख विद्या सुन्दर शाक्यले व्यक्तिगत लाभ र राजनीतिक स्वार्थले अदालत र अख्तियारको दुरूपयोग गर्ने प्रवृत्तिलाई निरुत्साह गर्नुपर्ने बताएका छन् ।

काठमाडौँ महानगरपालिकाबाट भएको न्यायिक कार्यको निरीक्षण सम्वन्धमा जिल्ला अदालत काठमाडौँका न्यायाधीश राजुकुमार खतिवडा नेतृत्वको टोलीसँगको छलफलमा शाक्यले यस्तो बताएका हुन् ।

 

‘काठमाडौँ महानगरले अघि सारेका सम्पदा र विकास निर्माणका काममा राजनीतिक वा व्यक्तिगत स्वार्थ राखी अख्तियार र अदालतमा मुद्दा हाल्ने प्रवृत्तिका कारण लामो समय निर्माण कार्य अवरोध हुने गरेको छ,’ मेयर शाक्यले भने, ‘यसले लागतसमेत बढेर राज्यलाई करोडौँ घाटा भइरहेको छ ।’

अख्तियार र अदालतलाई समेत भ्रममा पारी दुरूपयोग गर्न खोज्ने व्यक्तिलाई कारवाही वा क्षतिपूर्तिको व्यवस्था हुनु पर्नेसमेत उनले बताए ।

अदालतमा मुद्दा परेका कारण रानीपोखरी पुननिर्माणको लागत करीब ६ करोड बढेको उनको दाबी छ ।

‘नेपाली बृहद् शब्दकोषमा अभियन्ताको अर्थ इन्जिनियर हुने रहेछ । तर, यहाँ आफ्नो पहिचान लुकाएर नागरिक अभियन्ता भन्दै अख्तियार र न्यायलयलाई भ्रममा पारी २ पानामा लेखेर उजुरी गरी काम रोक्ने प्रवृत्ति हावी भएको छ । यी  रोकिएका कामका कारण बढेको लागत र यसले सरकारी सम्पत्तिमा परेको घाटा कसले व्यहोर्छ,’ भन्दै शाक्यले प्रश्न गरे ।

काठमाडौँ महानगरपालिकाका सबै जनप्रतिनिधि कमलपोखरी छिटो निर्माण सम्पन्न हुनुपर्छ भन्नेमा ट्ठथानीयसमेत एकजुट रहँदा केही व्यक्तिले त्यसमा भाँजो हाल्न खोजेको उनले बताए ।

‘कमलपोखरी नदेखेका र नबुझेकाहरुलाई आफ्नो स्वार्थ पूरा गर्न डियर मेयर भन्दै ‘प्ले कार्ड’ बोकाएर, माटोको टिका लगाउन लगाएर भ्रम फैलाउने काम भयो,’ उनले भने, ‘त्यहाँ उपस्थित भएका केहीले त हामीलाई भ्रममा पारेर त्यहाँ लैजाने काम भयो भन्दै गल्ती स्वीकार गरेका छन् ।’

छलफलका क्रममा न्यायाधीश खतिवडाले उच्च अदालत र सर्वोच्च अदालतका न्यायाधीशहरु जिल्ला अदालतको निरीक्षणमा आउँदा आफूले यो कुरा राख्ने बताए ।

You can share this post!

Total Share : 129 Total Views : 909

प्रतिक्रिया