news-details

‘इण्डियन आइडल’मा फर्कदै अनु मलिक

Total Share : 559 Total Views : 3.9 K

मुम्बई– बलिउड गायक तथा संगीतकार अनु मलिक एकपटक पुनः ‘इण्डियन आइडल’मा आउने भएका छन् । यसपटक उनको आगमन निर्णायकका रुपमा नभई केवल अतिथीका रुपमा मात्र हुनेछ ।

टाइम्स अफ इण्डियामा प्रकाशित समाचारअनुसार ९० औं भागको यो विशेष श्रृंखलामा अनुका साथ उदित नारायण झा र गीतकार समीरको पनि उपस्थिति हुनेछ ।

‘यो ९० दशकको म्यूजिक विकेन्ड एपिसोड हुनेछ । अनुले ९० को दशकमा कैयौं फिल्मका लागि संगीत सिर्जना गरे । ती गीतहरु चार्टबस्टर रहेका छन्’, समाचारमा लेखिएको छ,‘त्यहीकारण यो एपिसोड अनु मलिक बिना पुरा हुन सक्दैन । त्यसकारण अनु अतिथीका रुपमा आउन लागेका हुन् । अनुसँगै गीतकार समीर र गायक उदित नारायण झाको पनि विशेष उपस्थिति रहनेछ । जसले ९० को दशकको संगीतमा सानदार योगदान दिएका थिए ।’

अनु सुरुवाती समयदेखि नै ‘इण्डियन आइडल’को हिस्सा थिए । तर सिजन १० मा भने उनको स्थानमा जावेद अली आए । यो सिजनमा उनलाई यौन उत्पीडनको आरोप लागेपछि जावेद उनको स्थानमा आएका थिए ।

उनी सिजन ११ मा पुन शोमा आए पनि गायिकाहरु सोना महापात्रा, नेहा भसीन र श्वेता पण्डितले उनको विरुद्ध ट्वीट गरेपछि अनुको स्थानमा हिमेश रेशमियाको आगमन भयो ।

 

You can share this post!

Total Share : 559 Total Views : 3.9 K

प्रतिक्रिया