news-details

भ्रष्टाचारका कारण मुलुकको विकास हुन सकेन

भ्रष्टाचारका कारण मुलुकको विकास हुन सकेन नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालले भ्रष्टाचार नियन्त्रण गर्न सरकारको ध्यानाकर्षण गराएका छन् ।वरिष्ठ नेता नेपालले युवाहरुलाई उद्यमशील बनाउन पनि प्रोत्साहनको नीति लिन सरकारलाई सुझाव दिए । सोमबारदेखि काठमाडौंमा सुरु भएको ‘नेपाल युवा उद्यमशीलता शिखर सम्मेलन’ को उद्घाटन गर्दै उनले बजेटको ठूलो हिस्सा भ्रष्टाचार हुने गरेकाले मुलुक अघि बढ्न नसकेको उल्लेख गर्दै त्यसलाई नियन्त्रणका गर्न सरकार गम्भीर हुनुपर्ने सुझाव दिए ।उनले युवाहरुलाई स्वदेशमै रोजगारीको अवसर सिर्जना गर्न, उत्पादन वृद्धि गरेर आम्दानी बढाउने कुराको उचित व्यवस्था सरकारले गर्नुपर्ने बताए ।कार्यक्रममा अर्थमन्त्री डा. युवराज खतिवडाले युवा उद्यम विकासका लागि सरकारले आवश्यक लगानीको व्यवस्था गर्ने गरी नीति तथा कार्यक्रम र बजेट ल्याएको बताए । उनले रोजगारीको अवसर सिर्जना गर्ने, उत्पादन वृद्धि गर्ने र मुलुकको आयातलाई प्रतिस्थापन गरेर अघि बढने सरकारको नीति रहेको प्रष्टीकरण दिए ।
अर्थमन्त्री खतिवडाले मुलुकको आर्थिक वृद्धिका लागि सरकारले कृषि उद्योगलाई पहिलो प्राथमिकता राखेको दाबी गरे ।

 

 

You can share this post!


प्रतिक्रिया