news-details

हिलोका कारण आउन सक्छ यस्ता समस्या, कसरी बच्ने ?

काठमाडौं-हिलोले हात खुट्टा चिलाउने र पाक्ने समस्या सहरी क्षेत्रमा भन्दा बढी ग्रामीण क्षेत्रमा दखिन्छ ।

वर्खायाममा खेतवारीको काममा व्यस्त हुने र हिलोमा धेरै समय काम गर्नुपर्ने हुनाले हिलोका कारण छालामा विभिन्न समस्याहरु देखा पर्न सक्छन् । त्यस्तै सहरी क्षेत्रमा पनि हिलो सडकका कारण मानिसहरु प्रभावित हुने गरेका छन् ।
निरन्तर काम गरिरहँदा धेरैको हत्केला र पैँताला हिलो र पानीमा भइरहँदा औँलाका काप चिरिने गरी असर देखिन्छ ।

यसका उपचारका लागि हामी घरेलु औषधीको प्रयोग गर्ने गर्छौ । हिलोले खाएको रोग के हो र यसको रोकथामका लागि के गर्नुपर्छ भन्ने कुरा धेरैलाइ थाहा नहुन सक्छ ।

हिलोले खाने समस्या

हिलाले खाने भनरे चिनिने यो समस्या खासगरी ‘क्यान्डिडा’ नामको एक प्रकारको ढुसीका कारण हुन्छ । हिलोले खाँदा हात खुट्टाको औँलाको बिचमा चिलाउने, रातो हुने गर्दछ ।

यसलाई तुरुन्त उपचार गर्न नसकेको खण्डमा यो पाकेर ठूलै समस्याको रुप पनि लिने गर्दछ । प्रायजसो लामो समयसम्म पानी चलाउनुपर्ने कामहरु, किसानका हात खुट्टा हिलोले खाने गर्दछ ।

रोकथामका लागि

सकेसम्म हिलोमा काम नगर्ने ।
पानीको प्रयोगलाइ घटाएर कम गर्नुको साथै हात खुट्टा सुख्खा राख्न सक्नुपर्छ ।

अत्याधिक पानीको प्रयोग गर्नु परेमा हातमा पञ्जा लगाउँदा उपयुक्त हुन्छ ।

खेतवारीको काम गर्दा खुट्टामा जुत्ता (छालका बुट) लगाउनु उपयुक्त हुने र पानी परिसकेको खण्डमा सफा कपडाले खुट्टालाइ सफा बनाउनुपर्छ ।

साथै हिलोमा पसेर काम गर्नुपर्ने अवस्था आएमा हात, खुट्टा र औँलाको कापमा भ्यासेलिन, तेल वा अन्य कुनै मोइस्चराइजर दल्नु राम्रो हुन्छ ।
कामले जतिसुकै थाके पनि हातखुट्टा धोएर सुक्खा बनाइ क्रिम वा जेल लगाएमा पनि हिलोले खाने रोगबाट बच्न सकिन्छ ।

हिलोमा यात्रा गर्दा विशेष सावधानी अपनाउने ।

 

 

You can share this post!


प्रतिक्रिया