news-details

श्रीलंकाविरुद्ध पाकिस्तान विजयी

श्रीलंकाविरुद्धको एक दिवसीय क्रिकेट सिरिजको दोस्रो खेलमा पाकिस्तान विजयी भएको छ । सोमबार राति भएको खेलमा पाकिस्तानले पाहुना टोली श्रीलंकालाई ६७ रनले हरायो । एक दशकपछि पहिलो पटक घरेलु मैदानमा अन्तर्राष्ट्रिय सिरिज खलेको हो ।
पाकिस्तानले दिएको तीनसय ६ रनको विजय लक्ष्य पछ्याएको श्रीलंका ४६.५ ओभरमा सबै विकेटको क्षतिमा दुई सय ३८ रनमा समेटिएको थियो । श्रीलंकाका लागि शेहान जयसुर्या र दासुन शेनाकाले एक सय ७७ रनको उत्कृष्ट साझेदारी गरे । जयसुर्याले ९६ र शेनाकाले ६८ रन बनाएका थिए । हसरंगा डी सिल्भाले ३० रन बनाए । पाकिस्तानका उश्मान सिनवारीले पाँच विकेट लिए । सादव खानले दुई विकेट लिए ।
यसअघि टस जितेर पहिले ब्याटिङ गरेको पाकिस्तानले निर्धारित ५० ओभरमा सात विकेटको क्षतिमा तीनसय ५ रन बनाएको थियो । पाकिस्तानका लागि बाबर अजामले शतकीय पारी खेले । बाबरले एक सय १५ रन बनाए । फखर जमानले ५४, हरिस सोहिलले ४०, इफ्तिकर अहमेदले ३२ र इमाम उल हकले ३१ बनाएका थिए । श्रीलंकाका हसरंगा डी सिल्भाले दुई विकेट लिएका थिए ।
जितसँगै पाकिस्तानले तीन खेलको सिरिजमा १–० को अग्रता बनाएको छ । यसअघि पहिलो खेल वर्षाका कारण रद्ध भएको थियो । तेस्रो खेल बुधबार हुनेछ । एकदिवसीय पनि दुई देशले तीनवटा टि–२० सिरिज पनि खेल्नेछन् ।

 

You can share this post!


प्रतिक्रिया